ਐਂਬੂਲੇਟਰੀ ਸਰਜੀਕਲ ਫੈਸਿਲਿਟੀ (ASF) ਮਰੀਜ਼ ਦੇ ਅਧਿਕਾਰ

ਯੂਨੀਵਰਸਿਟੀ ਆਫ ਪੇਨਸਿਲਵੇਨੀਆ ਹੈਲਥ ਸਿਸਟਮ (UPHS)¹ ਅਤੇ ਪੈੱਨ ਮੈਡੀਸਨ ਦੇ ਅੰਦਰ ਇੱਕ ਸਿਹਤ-ਸੰਭਾਲ ਫੈਸਿਲਿਟੀ ਦੇ ਰੂਪ ਵਿੱਚ, ਅਸੀਂ ਤੁਹਾਨੂੰ, ਅਤੇ ਸਾਡੇ ਮਰੀਜ਼ਾਂ ਨੂੰ ਮਿਆਰੀ ਡਾਕਟਰੀ ਦੇਖਭਾਲ ਪਹੁੰਚਾਉਣ ਲਈ, ਅਤੇ ਇਹ ਯਕੀਨੀ ਬਣਾਉਣ ਲਈ ਵਚਨਬੱਧ ਹਾਂ ਕਿ ਤੁਹਾਡੀ ਮੁਲਾਕਾਤ ਜਿੰਨਾ ਸੰਭਵ ਹੋ ਸਕੇ ਖੁਸ਼ਗਵਾਰ ਹੋਵੇ। ਹੇਠਾਂ ਦਿੱਤੇ "ਮਰੀਜ਼ ਦੇ ਅਧਿਕਾਰਾਂ ਦਾ ਬਿਆਨ", ਜੋ ਇਸ ਫੈਸਿਲਿਟੀ ਦੇ ਪ੍ਰਸ਼ਾਸਨ ਅਤੇ ਸਟਾਫ਼ ਦੁਆਰਾ ਤਸਦੀਕ ਕੀਤਾ ਗਿਆ ਹੈ, ਸਾਰੇ ਮਰੀਜ਼ਾਂ 'ਤੇ ਲਾਗੂ ਹੁੰਦਾ ਹੈ। ਜੇ ਤੁਸੀਂ ਆਪਣੀ ਤਰਫ਼ੋਂ ਇਹਨਾਂ ਅਧਿਕਾਰਾਂ ਦੀ ਵਰਤੋਂ ਨਹੀਂ ਕਰ ਸਕਦੇ ਹੋ, ਤਾਂ ਇਹ ਤੁਹਾਡੇ ਨਾਮਜ਼ਦ ਕਾਨੂੰਨੀ ਤੌਰ 'ਤੇ ਅਧਿਕਾਰਤ ਨੁਮਾਇੰਦੇ 'ਤੇ ਲਾਗੂ ਹੁੰਦੇ ਹਨ। ਕਿਉਂਕਿ ਸਾਡਾ ਟੀਚਾ ਅਜਿਹੀ ਡਾਕਟਰੀ ਦੇਖਭਾਲ ਮੁਹੱਈਆ ਕਰਨਾ ਹੈ ਜੋ ਪ੍ਰਭਾਵੀ ਅਤੇ ਸਾਡੀ ਸਮਰੱਥਾ, ਮਿਸ਼ਨ, ਫ਼ਲਸਫ਼ੇ, ਅਤੇ ਲਾਗੂ ਕਾਨੂੰਨਾਂ ਅਤੇ ਵਿਨਿਯਮਾਂ ਦਾ ਧਿਆਨ ਰੱਖਣ ਵਾਲੀ ਹੋਵੇ, ਅਸੀਂ ਸਾਡੀ ਨੀਤੀ ਦੇ ਬਿਆਨ ਵਜੋਂ ਇਹ ਤੁਹਾਡੇ ਕੋਲ ਜਮ੍ਹਾਂ ਕਰਦੇ ਹਾਂ।

ਮਰੀਜ਼ ਦੇ ਅਧਿਕਾਰਾਂ ਦਾ ਬਿਆਨ

ਮਰੀਜ਼ ਨੂੰ ਹੇਠਾਂ ਲਿਖੇ ਅਧਿਕਾਰ ਹਨ:· ਦਾਖਲੇ ਦੇ ਸਮੇਂ ਉਹਨਾਂ ਦੇ ਅਧਿਕਾਰਾਂ ਬਾਰੇ ਸੂਚਿਤ ਕੀਤਾ ਜਾਵੇ।

ਦਾਖਲੇ ਦੇ ਸਮੇਂ ਉਹਨਾਂ ਦੇ ਅਧਿਕਾਰਾਂ ਬਾਰੇ ਸੂਚਿਤ ਕੀਤਾ ਜਾਵੇ।
ਯੋਗ ਕਰਮਚਾਰੀਆਂ ਦੁਆਰਾ ਸਤਿਕਾਰਯੋਗ ਦੇਖਭਾਲ ਦਿੱਤੀ ਜਾਵੇ, ਜੋ ਤੁਹਾਡੇ ਸਭਿਆਚਾਰਕ ਅਤੇ ਵਿਅਕਤੀਗਤ ਕਦਰਾਂ ਕੀਮਤਾਂ ਅਤੇ ਵਿਸ਼ਵਾਸ ਪ੍ਰਣਾਲੀਆਂ ਬਾਰੇ ਪਰਵਾਹ ਨੂੰ ਦਰਸਾਉਂਦੀ ਹੋਵੇ ਅਤੇ ਤੁਹਾਡੇ ਆਰਾਮ ਅਤੇ ਮਾਣ ਦੇ ਅਨੁਕੂਲ ਹੋਵੇ।
ਬੇਨਤੀ ਕਰਨ 'ਤੇ, ਦੇਖਣ ਵਾਲੇ ਡਾਕਟਰ ਦਾ ਨਾਮ, ਮਰੀਜ਼ ਦੀ ਦੇਖਭਾਲ ਵਿੱਚ ਸਿੱਧੇ ਤੌਰ 'ਤੇ ਹਿੱਸਾ ਲੈਣ ਵਾਲੇ ਦੂਸਰੇ ਸਾਰੇ ਡਾਕਟਰਾਂ ਜਾਂ ਪ੍ਰਦਾਨਕਾਂ ਦੇ ਨਾਮ, ਅਤੇ ਮਰੀਜ਼ਾਂ ਨਾਲ ਸਿੱਧੇ ਸੰਪਰਕ ਰੱਖਣ ਵਾਲੇ ਹੋਰ ਸਿਹਤ-ਸੰਭਾਲ ਦੇ ਨਾਮ ਅਤੇ ਕੰਮ ਦੱਸੇ ਜਾਣ।
ਉਹਨਾਂ ਦੇ ਡਾਕਟਰੀ ਦੇਖਭਾਲ ਪ੍ਰੋਗਰਾਮ ਸੰਬੰਧੀ ਨਿੱਜਤਾ ਦਾ ਹਰ ਤਰ੍ਹਾਂ ਨਾਲ ਧਿਆਨ ਰੱਖਿਆ ਜਾਵੇ। ਕੇਸ ਚਰਚਾ, ਵਿਚਾਰ ਵਟਾਂਦਰੇ, ਮੁਆਇਨੇ ਅਤੇ ਇਲਾਜ ਗੁਪਤ ਹੁੰਦੇ ਹਨ ਅਤੇ ਗੁਪਤਤਾ ਨਾਲ ਕੀਤੇ ਜਾਣੇ ਚਾਹੀਦੇ ਹਨ, ਅਤੇ ਜਦੋਂ ਵੀ ਸੰਭਵ ਹੋਵੇ ਦੇਖਣ ਅਤੇ ਸੁਣਨ ਸੰਬੰਧੀ ਢੁਕਵੀਂ ਪਰਦੇਦਾਰੀ ਦਿੱਤੀ ਜਾਵੇ।
ਜੇ ਬੇਨਤੀ ਕੀਤੀ ਜਾਂਦੀ ਹੈ, ਤਾਂ ਕਿਸੇ ਪ੍ਰਕਿਰਿਆ/ਆਪਰੇਸ਼ਨ ਤੋਂ ਪਹਿਲਾਂ ਜਾਂ ਇਸਦੇ ਬਾਅਦ ਸਰੀਰਕ ਮੁਆਇਨੇ ਦੌਰਾਨ ਕਿਸੇ ਨੂੰ ਮੌਜੂਦ ਰੱਖਣਾ ਜਦੋਂ ਤੱਕ ਉਹ ਦੇਖਭਾਲ ਵਿੱਚ ਦਖ਼ਲ ਨਹੀਂ ਦਿੰਦੇ ਹਨ।
ਡਾਕਟਰੀ ਦੇਖਭਾਲ ਦੇ ਰਿਕਾਰਡਾਂ ਸਮੇਤ, ਜਾਣਕਾਰੀ ਨੂੰ ਗੁਪਤ ਮੰਨਿਆ ਜਾਵੇ, ਸਿਵਾਏ ਉਸਦੇ ਜਿੱਥੇ ਕਾਨੂੰਨ ਜਾਂ ਤੀਜੀ-ਧਿਰ ਦੇ ਠੇਕੇਦਾਰੀ ਪ੍ਰਬੰਧਾਂ ਦੁਆਰਾ ਕੁਝ ਹੋਰ ਕਿਹਾ ਗਿਆ ਹੈ।
ਮਰੀਜ਼ ਅਤੇ ਮੁਲਾਕਾਤੀ ਦੇ ਵਿਵਹਾਰ ਲਈ ਫੈਸਿਲਿਟੀ ਦੀਆਂ ਉਮੀਦਾਂ ਅਤੇ ਜ਼ਿੰਮੇਵਾਰੀਆਂ ਨੂੰ ਜਾਣਨਾ।
ਉੱਚ ਗੁਣਵੱਤਾ ਵਾਲੀ ਦੇਖਭਾਲ ਅਤੇ ਉੱਚ ਪੇਸ਼ੇਵਰ ਮਾਪਦੰਡ ਜਿਨ੍ਹਾਂ ਨੂੰ ਨਿਰੰਤਰ ਬਣਾ ਕੇ ਰੱਖਿਆ ਜਾਂਦਾ ਹੈ ਅਤੇ ਸਮੀਖਿਆ ਕੀਤੀ ਜਾਂਦੀ ਹੈ।
ਵਿਕਲਪਕ ਇਲਾਜਾਂ ਅਤੇ ਸੰਭਵ ਜਟਿਲਤਾਵਾਂ ਬਾਰੇ ਜਾਣਕਾਰੀ ਸਮੇਤ, ਰੋਗ-ਨਿਦਾਨ, ਇਲਾਜ ਅਤੇ ਪੂਰਵ-ਅਨੁਮਾਨ ਬਾਰੇ ਆਮ ਵਿਅਕਤੀ ਦੀ ਭਾਸ਼ਾ ਵਿੱਚ ਪੂਰੀ ਜਾਣਕਾਰੀ। ਜਦੋਂ ਡਾਕਟਰੀ ਤੌਰ 'ਤੇ ਇਹ ਸਲਾਹ ਨਹੀਂ ਦਿੱਤੀ ਜਾਂਦੀ ਕਿ ਅਜਿਹੀ ਜਾਣਕਾਰੀ ਮਰੀਜ਼ ਨੂੰ ਦਿੱਤੀ ਜਾਵੇ, ਤਾਂ ਜਾਣਕਾਰੀ ਮਰੀਜ਼ ਦੀ ਤਰਫ਼ੋਂ ਉਸਦੇ ਨਿਰਧਾਰਤ/ਕਾਨੂੰਨੀ ਤੌਰ 'ਤੇ ਅਧਿਕਾਰਤ ਪ੍ਰਤਿਨਿਧ ਨੂੰ ਮੁਹੱਈਆ ਕੀਤੀ ਜਾਵੇਗੀ।
ਇਲਾਜ ਲਈ ਸਹਿਮਤੀ। ਐਮਰਜੈਂਸੀਆਂ ਨੂੰ ਛੱਡ ਕੇ, ਪ੍ਰਦਾਤਾ ਨੂੰ ਪ੍ਰਕਿਰਿਆਵਾਂ ਅਤੇ ਇਲਾਜ ਸ਼ੁਰੂ ਕਰਨ ਤੋਂ ਪਹਿਲਾਂ ਸੂਚਿਤ ਸਹਿਮਤੀ ਲਾਜ਼ਮੀ ਪ੍ਰਾਪਤ ਕਰਨੀ ਚਾਹੀਦੀ ਹੈ। ਇਸ ਵਿੱਚ ਹਸਪਤਾਲ ਦੀ ਬਜਾਏ ਇਸ ਫੈਸਿਲਿਟੀ ਵਿੱਚ ਆਪਰੇਸ਼ਨ/ਪ੍ਰਕਿਰਿਆ ਕਰਵਾਉਣ ਨਾਲ ਸੰਬੰਧਿਤ ਤੁਲਨਾਤਮਕ ਜੋਖਮਾਂ, ਲਾਭਾਂ ਅਤੇ ਵਿਕਲਪਾਂ ਨੂੰ ਸਮਝਣਾ ਸ਼ਾਮਲ ਹੈ।
ਕਿਸੇ ਪ੍ਰਯੋਗਾਤਮਕ ਖੋਜ ਪ੍ਰੋਗਰਾਮ, ਦਾਨੀ ਪ੍ਰੋਗਰਾਮ, ਜਾਂ ਵਿੱਦਿਅਕ ਗਤੀਵਿਧੀਆਂ ਵਿੱਚ ਸ਼ਾਮਲ ਨਾ ਕੀਤਾ ਜਾਵੇ ਜਦ ਤਕ ਮਰੀਜ਼ ਜਾਂ ਉਸਦੇ ਮਨੋਨੀਤ/ਕਾਨੂੰਨੀ ਤੌਰ 'ਤੇ ਅਧਿਕਾਰਤ ਪ੍ਰਤਿਨਿਧ ਨੇ ਅਜਿਹੇ ਪ੍ਰੋਗਰਾਮ ਵਿੱਚ ਭਾਗ ਲੈਣ ਤੋਂ ਪਹਿਲਾਂ ਸੂਚਿਤ ਸਹਿਮਤੀ ਨਹੀਂ ਦਿੱਤੀ ਹੈ। ਜਦੋਂ ਕੋਈ ਪ੍ਰੈਕਟੀਸ਼ਨਰ ਮਰੀਜ਼ ਬਾਰੇ ਕਿਸੇ ਡਾਕਟਰੀ ਖੋਜ ਪ੍ਰੋਗਰਾਮ ਜਾਂ ਦਾਨੀ ਪ੍ਰੋਗਰਾਮ ਲਈ ਵਿਚਾਰ ਕਰ ਰਿਹਾ ਹੈ, ਜੇ ਮਰੀਜ਼ ਜਾਂ ਉਸਦਾ ਮਨੋਨੀਤ/ਕਾਨੂੰਨੀ ਤੌਰ 'ਤੇ ਅਧਿਕਾਰਤ ਪ੍ਰਤਿਨਿਧ ਸਹਿਮਤੀ ਦੇਣ ਵਿੱਚ ਅਸਮਰਥ ਹੈ, ਤਾਂ ਕਿਸੇ ਜ਼ਿੰਮੇਵਾਰ ਵਿਅਕਤੀ ਨੂੰ ਸੂਚਨਾ ਹਾਸਲ ਕਰਨ ਦਾ ਅਧਿਕਾਰ ਹੈ, ਅਤੇ ਮਰੀਜ਼ ਜਾਂ ਜ਼ਿੰਮੇਵਾਰ ਵਿਅਕਤੀ ਪ੍ਰੋਗਰਾਮ ਵਿੱਚ ਅਸਲ ਭਾਗੀਦਾਰੀ ਤੋਂ ਪਹਿਲਾਂ ਸੂਚਿਤ ਸਹਿਮਤੀ ਦੇਣਗੇ। ਮਰੀਜ਼ ਜਾਂ ਜ਼ਿੰਮੇਵਾਰ ਵਿਅਕਤੀ ਉਸ ਪ੍ਰੋਗਰਾਮ ਵਿੱਚ ਜਾਰੀ ਰੱਖਣ ਤੋਂ ਇਨਕਾਰ ਕਰ ਸਕਦੇ ਹਨ ਜਿਸ ਲਈ ਉਹਨਾਂ ਨੇ ਸੂਚਿਤ ਸਹਿਮਤੀ ਦਿੱਤੀ ਹੈ।
ਡਾਕਟਰੀ ਦੇਖਭਾਲ ਨੂੰ ਸਵੀਕਾਰ ਕਰਨਾ ਜਾਂ ਕਾਨੂੰਨ ਦੁਆਰਾ ਆਗਿਆ ਦਿੱਤੀ ਗਈ ਹੱਦ ਤਕ ਫੈਸਿਲਿਟੀ ਦੁਆਰਾ ਪੇਸ਼ ਕੀਤੀ ਗਈ ਕੋਈ ਵੀ ਦਵਾਈ, ਇਲਾਜ, ਜਾਂ ਪ੍ਰਕਿਰਿਆ ਤੋਂ ਇਨਕਾਰ ਕਰਨਾ, ਅਤੇ ਪ੍ਰਦਾਤਾ ਮਰੀਜ਼ ਨੂੰ ਇਸ ਤਰ੍ਹਾਂ ਇਨਕਾਰ ਕਰਨ ਦੇ ਡਾਕਟਰੀ ਨਤੀਜਿਆਂ ਬਾਰੇ ਸੂਚਿਤ ਕਰੇਗਾ।
ਉਮਰ, ਨਸਲ, ਰੰਗ, ਧਰਮ, ਮੂਲ ਲਿੰਗ, ਰਾਸ਼ਟਰੀ ਮੂਲ, ਅਪਾਹਜਤਾ, ਅਸਮਰਥਤਾ, ਭੁਗਤਾਨ ਦੇ ਸਰੋਤ ਜਾਂ ਆਮਦਨੀ ਦੇ ਸਰੋਤ, ਲਿੰਗ, ਵੰਸ਼, ਵਿਆਹੁਤਾ ਸਥਿਤੀ, ਪਰਿਵਾਰਕ ਸਥਿਤੀ, ਜੈਨੇਟਿਕ ਜਾਣਕਾਰੀ, ਲਿੰਗੀ ਪਛਾਣ ਜਾਂ ਪ੍ਰਗਟਾਵੇ, ਜਿਨਸੀ ਰੁਝਾਨ, ਸੱਭਿਆਚਾਰ, ਭਾਸ਼ਾ, ਸਮਾਜਿਕ-ਆਰਥਿਕ ਸਥਿਤੀ ਜਾਂ ਘਰੇਲੂ ਜਾਂ ਜਿਨਸੀ ਹਿੰਸਾ ਪੀੜਤ ਸਥਿਤੀ ਦੇ ਅਧਾਰ 'ਤੇ ਵਿਤਕਰੇ ਦੇ ਬਿਨਾਂ ਡਾਕਟਰੀ ਅਤੇ ਨਰਸਿੰਗ ਸੇਵਾਵਾਂ ਲੈਣੀਆਂ।
ਸਪਸ਼ਟ, ਸੰਖੇਪ ਅਤੇ ਸਮਝਣ ਯੋਗ ਤਰੀਕੇ ਨਾਲ ਸੰਚਾਰ ਕਰਨਾ। ਜੇ ਮਰੀਜ਼ ਅੰਗਰੇਜ਼ੀ ਨਹੀਂ ਬੋਲਦਾ ਹੈ, ਤਾਂ ਉਸ ਨੂੰ, ਜਿੱਥੇ ਵੀ ਸੰਭਵ ਹੋਵੇ, ਭਾਸ਼ਾ ਦੁਭਾਸ਼ੀਆ ਅਤੇ ਅਨੁਵਾਦ ਸੇਵਾਵਾਂ ਮੁਫ਼ਤ ਮਿਲਣੀਆਂ ਚਾਹੀਦੀਆਂ ਹਨ। ਜਾਣਕਾਰੀ ਮਰੀਜ਼ ਦੀ ਉਮਰ (ਜੇ ਲਾਗੂ ਹੋਵੇ), ਭਾਸ਼ਾ, ਅਤੇ ਸਮਝਣ ਦੀ ਯੋਗਤਾ ਦੇ ਅਨੁਸਾਰ ਦਿੱਤੀ ਜਾਂਦੀ ਹੈ। ਇਸ ਵਿੱਚ ਮਰੀਜ਼ ਦੀ ਅਜਿਹੇ ਤਰੀਕੇ ਨਾਲ ਮਦਦ ਕਰਨਾ ਸ਼ਾਮਲ ਹੈ ਜਿਸ ਨਾਲ ਮਰੀਜ਼ ਦੀਆਂ ਲੋੜਾਂ ਪੂਰੀਆਂ ਹੁੰਦੀਆਂ ਹਨ, ਜੇ ਮਰੀਜ਼ ਦੀ ਨਜ਼ਰ, ਬੋਲਣ, ਸੁਣਨ ਸੰਬੰਧੀ, ਜਾਂ ਬੋਧਾਤਮਕ ਕਮਜ਼ੋਰੀ ਹੈ।
ਉਹਨਾਂ ਦਾ ਡਾਕਟਰੀ ਰਿਕਾਰਡ ਸਿਰਫ ਉਹਨਾਂ ਦੀ ਦੇਖਭਾਲ ਵਿੱਚ ਸ਼ਾਮਲ ਵਿਅਕਤੀਆਂ ਦੁਆਰਾ, ਦੇਖਭਾਲ ਦੀ ਗੁਣਵੱਤਾ ਦੀ ਨਿਗਰਾਨੀ ਕਰਨ ਵਾਲੇ ਵਿਅਕਤੀਆਂ ਦੁਆਰਾ, ਜਾਂ ਕਾਨੂੰਨ ਜਾਂ ਵਿਨਿਯਮ ਦੁਆਰਾ ਅਧਿਕਾਰਤ ਵਿਅਕਤੀਆਂ ਦੁਆਰਾ ਪੜ੍ਹਿਆ ਜਾਵੇ। ਬੇਨਤੀ ਕਰਨ 'ਤੇ, ਫੈਸਿਲਿਟੀ ਮਰੀਜ਼ ਜਾਂ ਉਹਨਾਂ ਦੇ ਮਨੋਨੀਤ/ਕਾਨੂੰਨੀ ਤੌਰ 'ਤੇ ਅਧਿਕਾਰਤ ਪ੍ਰਤਿਨਿਧੀ ਨੂੰ ਮੈਡੀਕਲ ਰਿਕਾਰਡ ਵਿੱਚ ਮੌਜੂਦ ਸਾਰੀ ਜਾਣਕਾਰੀ ਤੱਕ ਪਹੁੰਚ ਮੁਹੱਈਆ ਕਰੇਗੀ ਜਦੋਂ ਤੱਕ ਕਿ ਮਰੀਜ਼ ਨੂੰ ਦੇਖ ਰਹੇ ਪ੍ਰੈਕਟੀਸ਼ਨਰ ਦੁਆਰਾ ਡਾਕਟਰੀ ਕਾਰਨਾਂ ਕਰਕੇ ਪਹੁੰਚ ਨੂੰ ਵਿਸ਼ੇਸ਼ ਤੌਰ 'ਤੇ ਪ੍ਰਤਿਬੰਧਿਤ ਨਹੀਂ ਕੀਤਾ ਗਿਆ ਹੈ।
ਸਮੇਂ ਦੀ ਪ੍ਰਭਾਵਸ਼ਾਲੀ ਵਰਤੋਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਅਤੇ ਨਿੱਜੀ ਬੇਅਰਾਮੀ ਤੋਂ ਬਚਣ ਲਈ ਫੈਸਿਲਿਟੀ ਦੇ ਅੰਦਰ ਚੰਗੀਆਂ ਪ੍ਰਬੰਧਨ ਤਕਨੀਕਾਂ ਨੂੰ ਲਾਗੂ ਕਰਨ ਦੀ ਉਮੀਦ ਕਰਨੀ।
ਬਿਨਾਂ ਦੇਰੀ ਦੇ ਐਮਰਜੈਂਸੀ ਪ੍ਰਕਿਰਿਆਵਾਂ ਲਾਗੂ ਕੀਤੇ ਜਾਣ ਦੀ ਉਮੀਦ ਕਰਨੀ। ਜੇ ਕੋਈ ਐਮਰਜੈਂਸੀ ਵਾਪਰਦੀ ਹੈ ਅਤੇ ਮਰੀਜ਼ ਨੂੰ ਕਿਸੇ ਹੋਰ ਫੈਸਿਲਿਟੀ ਵਿੱਚ ਤਬਦੀਲ ਕੀਤਾ ਜਾਂਦਾ ਹੈ, ਤਾਂ ਮਨੋਨੀਤ/ਕਾਨੂੰਨੀ ਤੌਰ 'ਤੇ ਅਧਿਕਾਰਤ ਪ੍ਰਤਿਨਿਧੀ ਨੂੰ ਸੂਚਿਤ ਕੀਤਾ ਜਾਵੇਗਾ। ਜਿਸ ਸੰਸਥਾ ਵਿੱਚ ਮਰੀਜ਼ ਨੂੰ ਤਬਦੀਲ ਕੀਤਾ ਜਾਣਾ ਹੈ, ਉਸ ਨੂੰ ਮਰੀਜ਼ ਦੇ ਤਬਾਦਲੇ ਤੋਂ ਪਹਿਲਾਂ ਸੂਚਿਤ ਕੀਤਾ ਜਾਵੇਗਾ।
ਉਹਨਾਂ ਦੇ ਬਿੱਲ ਦੀ ਜਾਂਚ ਕਰਨੀ ਅਤੇ ਵਿਸਤ੍ਰਿਤ ਵਿਆਖਿਆ, ਨਾਲ ਹੀ ਮਰੀਜ਼ ਦੀ ਦੇਖਭਾਲ ਲਈ ਗਿਆਤ ਵਿੱਤੀ ਸਰੋਤਾਂ ਦੀ ਉਪਲਬਧਤਾ ਬਾਰੇ ਪੂਰੀ ਜਾਣਕਾਰੀ ਅਤੇ ਕਾਉਂਸਲਿੰਗ ਪ੍ਰਾਪਤ ਕਰਨੀ।
ਫੈਸਿਲਿਟੀ ਦੁਆਰਾ ਅਜਿਹੀ ਵਿਧੀ ਪ੍ਰਦਾਨ ਕੀਤੇ ਜਾਣ ਦੀ ਉਮੀਦ ਕਰਨੀ ਜਿਸ ਵਿੱਚ ਮਰੀਜ਼ ਨੂੰ ਡਿਸਚਾਰਜ ਦਿੱਤੇ ਜਾਣ 'ਤੇ ਸਿਹਤ-ਸੰਭਾਲ ਦੀਆਂ ਨਿਰੰਤਰ ਲੋੜਾਂ ਅਤੇ ਉਹਨਾਂ ਨੂੰ ਪੂਰਾ ਕਰਨ ਦੇ ਸਾਧਨਾਂ ਬਾਰੇ ਸੂਚਿਤ ਕੀਤਾ ਜਾਂਦਾ ਹੈ।
ਦਰਦ ਦਾ ਢੁਕਵਾਂ ਮੁਲਾਂਕਣ ਅਤੇ ਪ੍ਰਬੰਧਨ।
ਸੁਰੱਖਿਅਤ ਮਾਹੌਲ ਵਿੱਚ ਦੇਖਭਾਲ ਪ੍ਰਾਪਤ ਕਰਨੀ ਅਤੇ ਹਰ ਕਿਸਮ ਦੇ ਦੁਰਵਿਹਾਰ ਅਤੇ ਪਰੇਸ਼ਾਨੀ ਤੋਂ ਮੁਕਤ ਹੋਣਾ।
ਕਿਸੇ ਵੀ ਕਿਸਮ ਦੀਆਂ ਸਰੀਰਕ ਰੋਕਾਂ ਅਤੇ ਇਕੱਲੇਪਣ ਤੋਂ ਮੁਕਤ ਹੋਣਾ, ਜਿਨ੍ਹਾਂ ਦੀ ਡਾਕਟਰੀ ਤੌਰ 'ਤੇ ਲੋੜ ਨਹੀਂ ਹੈ ਜਾਂ ਜਿਨ੍ਹਾਂ ਨੂੰ ਸਟਾਫ਼ ਦੁਆਰਾ ਜ਼ਬਰਦਸਤੀ ਕਰਨ, ਅਨੁਸ਼ਾਸਨ, ਸਹੂਲਤ ਜਾਂ ਜਵਾਬੀ ਕਾਰਵਾਈ ਦੇ ਤਰੀਕੇ ਵਜੋਂ ਵਰਤਿਆ ਜਾਂਦਾ ਹੈ।
ਰੱਖਿਆਤਮਕ ਸੇਵਾਵਾਂ ਤੱਕ ਪਹੁੰਚ ਕਰਨੀ ਅਤੇ ਅਣਗਹਿਲੀ, ਸ਼ੋਸ਼ਣ ਅਤੇ ਜ਼ੁਬਾਨੀ, ਮਾਨਸਿਕ, ਸਰੀਰਕ ਅਤੇ ਜਿਨਸੀ ਸ਼ੋਸ਼ਣ ਤੋਂ ਮੁਕਤ ਹੋਣਾ।
ਇਸ ਸੰਗਠਨ ਦੁਆਰਾ ਸਥਾਪਤ ਕੀਤੇ ਗਏ ਢਾਂਚੇ ਦੇ ਅੰਦਰ, ਅਜਿਹੇ ਮਾਮਲਿਆਂ 'ਤੇ ਵਿਚਾਰ ਕਰਨ ਲਈ, ਆਪਣੀ ਦੇਖਭਾਲ ਨਾਲ ਸੰਬੰਧਿਤ ਨੈਤਿਕ ਮੁੱਦਿਆਂ ਦੇ ਵਿਚਾਰ ਕਰਨ ਵਿੱਚ ਹਿੱਸਾ ਲਓ।
ਉਹਨਾਂ ਦੀ ਤਰਫ਼ੋਂ ਸਿਹਤ-ਸੰਭਾਲ ਦੇ ਫੈਸਲੇ ਲੈਣ ਲਈ ਇੱਕ ਅਗਾਊਂ ਨਿਰਦੇਸ਼ ਤਿਆਰ ਕਰੋ ਜਾਂ ਸਿਹਤ ਸੰਭਾਲ ਏਜੰਟ ਨਿਯੁਕਤ ਕਰੋ। ਇਹਨਾਂ ਫੈਸਲਿਆਂ ਦਾ ਫੈਸਿਲਿਟੀ ਅਤੇ ਇਸਦੇ ਪੇਸ਼ੇਵਰਾਂ ਦੁਆਰਾ ਕਾਨੂੰਨ ਅਤੇ ਸਾਡੇ ਮਿਸ਼ਨ, ਕਦਰਾਂ ਕੀਮਤਾਂ, ਅਤੇ ਫਲਸਫੇ ਦੀ ਸੀਮਾ ਦੇ ਅੰਦਰ ਸਨਮਾਨ ਕੀਤਾ ਜਾਵੇਗਾ। ਜੇ ਲਾਗੂ ਹੁੰਦਾ ਹੈ, ਤਾਂ ਮਰੀਜ਼ ਫੈਸਿਲਿਟੀ ਨੂੰ ਆਪਣੇ ਅਗਾਉਂ ਨਿਰਦੇਸ਼ਾਂ ਦੀ ਇੱਕ ਕਾਪੀ ਪ੍ਰਦਾਨ ਕਰਨ ਲਈ ਜ਼ਿੰਮੇਵਾਰ ਹੈ।
ਇਸ ਫੈਸਿਲਿਟੀ ਵਿੱਚ ਦੇਖਭਾਲ ਅਤੇ ਇਲਾਜ ਪ੍ਰਾਪਤ ਕਰਨ ਲਈ "ਅਗਾਉਂ ਨਿਰਦੇਸ਼" ਹੋਣ ਜਾਂ ਇਸ ਨੂੰ ਪੂਰਾ ਕਰਨ ਦੀ ਲੋੜ ਨਾ ਲਗਾਈ ਜਾਣੀ।
ਕਨੂੰਨ ਅਤੇ ਫੈਸਿਲਿਟੀ ਦੀਆਂ ਨੀਤੀਆਂ ਦੀਆਂ ਸੀਮਾਵਾਂ ਦੇ ਅੰਦਰ ਦੁਬਾਰਾ ਸਾਹ ਚਾਲੂ ਕਰਨ ਦੀਆਂ ਸੇਵਾਵਾਂ ਨੂੰ ਰੋਕਣ ਜਾਂ ਜੀਵਨ-ਕਾਇਮ ਰੱਖਣ ਵਾਲੇ ਇਲਾਜ ਨੂੰ ਛੱਡਣ ਜਾਂ ਵਾਪਸ ਲੈਣ ਬਾਰੇ ਫੈਸਲੇ ਲਓ।
ਉਹਨਾਂ ਦੇ ਪ੍ਰਦਾਤਾਵਾਂ ਦੇ ਸਹਿਯੋਗ ਨਾਲ ਉਹਨਾਂ ਦੀ ਸਿਹਤ-ਸੰਭਾਲ ਨਾਲ ਸੰਬੰਧਿਤ ਫੈਸਲੇ ਲਓ। ਇਹ ਅਧਿਕਾਰ ਕਿਸੇ ਵੀ ਨਾਬਾਲਗਾਂ ਦੇ ਪਰਿਵਾਰ ਅਤੇ/ਜਾਂ ਸਰਪ੍ਰਸਤ 'ਤੇ ਲਾਗੂ ਹੁੰਦਾ ਹੈ।
ਉਹਨਾਂ ਦੀ ਦੇਖਭਾਲ ਅਤੇ ਇਲਾਜ ਵਿੱਚ ਪੂਰੀ ਸੰਭਵ ਹੱਦ ਤੱਕ ਹਿੱਸਾ ਲਓ। ਅਜਿਹੇ ਹਾਲਾਤ ਹਨ ਜਿਨ੍ਹਾਂ ਦੇ ਤਹਿਤ ਹੋ ਸਕਦਾ ਹੈ ਮਰੀਜ਼ ਅਜਿਹਾ ਕਰਨ ਦੇ ਸਮਰੱਥ ਨਾ ਹੋਵੇ। ਇਹਨਾਂ ਸਥਿਤੀਆਂ ਵਿੱਚ, (ਉਦਾਹਰਨ ਵਜੋਂ, ਜੇ ਮਰੀਜ਼ ਨੂੰ ਕਾਨੂੰਨ ਦੇ ਅਨੁਸਾਰ ਅਯੋਗ ਮੰਨਿਆ ਜਾਂਦਾ ਹੈ, ਜਾਂ ਡਾਕਟਰ ਦੁਆਰਾ ਪ੍ਰਸਤਾਵਿਤ ਇਲਾਜ ਜਾਂ ਪ੍ਰਕਿਰਿਆ ਨੂੰ ਸਮਝਣ ਵਿੱਚ ਡਾਕਟਰੀ ਤੌਰ 'ਤੇ ਅਸਮਰਥ ਪਾਇਆ ਜਾਂਦਾ ਹੈ, ਜਾਂ ਇਲਾਜ ਸੰਬੰਧੀ ਆਪਣੀਆਂ ਇੱਛਾਵਾਂ ਦਾ ਸੰਚਾਰ ਕਰਨ ਵਿੱਚ ਅਸਮਰਥ ਹੈ, ਜਾਂ ਮੁਕਤ ਨਾਬਾਲਗ ਹੈ) ਤਾਂ ਮਰੀਜ਼ ਦੇ ਅਧਿਕਾਰਾਂ ਦੀ ਵਰਤੋਂ, ਕਨੂੰਨ ਦੁਆਰਾ ਇਜਾਜ਼ਤ ਦਿੱਤੀ ਹੱਦ ਤੱਕ, ਨਾਮਿਤ ਨੁਮਾਇੰਦੇ ਜਾਂ ਹੋਰ ਕਾਨੂੰਨੀ ਤੌਰ 'ਤੇ ਅਧਿਕਾਰਤ ਵਿਅਕਤੀ ਦੁਆਰਾ ਕੀਤੀ ਜਾਣੀ ਹੈ।
ਮਰੀਜ਼ ਦੀ ਬੇਨਤੀ ਅਤੇ ਖਰਚੇ 'ਤੇ ਕਿਸੇ ਹੋਰ ਡਾਕਟਰ ਨਾਲ ਸਲਾਹ-ਮਸ਼ਵਰਾ ਹਾਸਲ ਕਰਨ ਵਿੱਚ ਸਹਾਇਤਾ।
ਮਰੀਜ਼ ਦੇ ਐਂਬੂਲੇਟਰੀ ਦੇਖਭਾਲ ਇਲਾਜ ਦੌਰਾਨ ਕਿਸੇ ਪਰਿਵਾਰਕ ਮੈਂਬਰ, ਦੋਸਤ, ਜਾਂ ਹੋਰ ਵਿਅਕਤੀ ਨੂੰ ਸਹਾਇਕ ਵਿਅਕਤੀ ਵਜੋਂ ਨਿਯੁਕਤ ਕਰੋ।
ਅਜਿਹੇ ਵਿਅਕਤੀ ਮਨੋਨੀਤ ਕਰੋ ਜੋ ਸ਼ਾਇਦ ਮਰੀਜ਼ ਦੇ ਨਾਲ ਰਹਿ ਸਕਦੇ ਹਨ। ਇਹਨਾਂ ਵਿਅਕਤੀਆਂ ਦਾ ਮਰੀਜ਼ ਨਾਲ ਕਾਨੂੰਨੀ ਤੌਰ 'ਤੇ ਸੰਬੰਧਿਤ ਹੋਣਾ ਜ਼ਰੂਰੀ ਨਹੀਂ ਹੈ। ਉਹ ਉਦਾਹਰਨ ਲਈ, ਪਤੀ/ਪਤਨੀ, ਘਰੇਲੂ ਸਾਥੀ (ਇੱਕੋ-ਲਿੰਗ ਦੇ ਸਾਥੀ ਸਮੇਤ), ਕੋਈ ਹੋਰ ਪਰਿਵਾਰਕ ਮੈਂਬਰ ਜਾਂ ਦੋਸਤ ਹੋ ਸਕਦੇ ਹਨ। ਫੈਸਿਲਿਟੀ ਉਮਰ, ਨਸਲ, ਰੰਗ, ਰਾਸ਼ਟਰੀ ਮੂਲ, ਧਰਮ, ਮੂਲ ਲਿੰਗ, ਅਪਾਹਜਤਾ, ਅਸਮਰਥਤਾ, ਲਿੰਗ, ਵੰਸ਼, ਵਿਆਹੁਤਾ ਸਥਿਤੀ, ਪਰਿਵਾਰਕ ਸਥਿਤੀ, ਲਿੰਗੀ ਪਛਾਣ ਜਾਂ ਪ੍ਰਗਟਾਵੇ, ਜਿਨਸੀ ਝੁਕਾਅ, ਸੱਭਿਆਚਾਰ, ਭਾਸ਼ਾ, ਸਮਾਜਿਕ-ਆਰਥਿਕ ਸਥਿਤੀ ਜਾਂ ਘਰੇਲੂ ਜਾਂ ਜਿਨਸੀ ਹਿੰਸਾ ਪੀੜਤ ਦਰਜੇ ਦੇ ਆਧਾਰ 'ਤੇ ਕਿਸੇ ਵੀ ਮੁਲਾਕਾਤੀ ਨੂੰ ਪ੍ਰਤਿਬੰਧਿਤ, ਸੀਮਿਤ ਜਾਂ ਇਨਕਾਰ ਨਹੀਂ ਕਰੇਗੀ। ਫੈਸਿਲਿਟੀ ਨੂੰ ਮਰੀਜ਼ ਜਾਂ ਹੋਰ ਮਰੀਜ਼ਾਂ ਦੀ ਦੇਖਭਾਲ ਲਈ ਮੁਲਾਕਾਤੀਆਂ ਨੂੰ ਸੀਮਿਤ ਜਾਂ ਪ੍ਰਤਿਬੰਧਿਤ ਕਰਨ ਦੀ ਲੋੜ ਹੋ ਸਕਦੀ ਹੈ। ਮਰੀਜ਼ ਨੂੰ ਅਜਿਹੇ ਕਿਸੇ ਵੀ ਕਲੀਨਿਕਲ ਪ੍ਰਤਿਬੰਧਾਂ ਜਾਂ ਸੀਮਾਵਾਂ ਬਾਰੇ ਸੂਚਿਤ ਕੀਤੇ ਜਾਣ ਦਾ ਅਧਿਕਾਰ ਹੈ।
ਉਹਨਾਂ ਦੀ ਦੇਖਭਾਲ, ਇਲਾਜ ਜਾਂ ਮਰੀਜ਼ ਪਛਾਣ ਤੋਂ ਇਲਾਵਾ ਹੋਰ ਉਦੇਸ਼ਾਂ ਲਈ ਰਿਕਾਰਡਿੰਗਾਂ, ਫਿਲਮਾਂ, ਜਾਂ ਹੋਰ ਤਸਵੀਰਾਂ ਤਿਆਰ ਕਰਨ ਜਾਂ ਇਸਦੀ ਵਰਤੋਂ ਕਰਨ ਲਈ ਸੂਚਿਤ ਸਹਿਮਤੀ ਦੇਣੀ ਜਾਂ ਸਹਿਮਤੀ ਨੂੰ ਰੋਕਣਾ।
ਮਰੀਜ਼ ਦੇ ਅਧਿਕਾਰਾਂ ਦਾ ਦਾਅਵਾ ਕਰਨ ਜਾਂ ਉਹਨਾਂ ਦੀ ਰੱਖਿਆ ਕਰਨ ਲਈ ਉਹਨਾਂ ਦੀ ਤਰਫ਼ੋਂ ਕੰਮ ਕਰਨ ਲਈ ਅਧਿਕਾਰਤ ਕਿਸੇ ਵਿਅਕਤੀ ਜਾਂ ਏਜੰਸੀ ਤੱਕ ਪਹੁੰਚ ਦੇ ਅਧਿਕਾਰ ਤੋਂ ਇਨਕਾਰ ਨਹੀਂ ਕੀਤਾ ਜਾਣਾ।
ਦੇਖਭਾਲ ਦੀ ਗੁਣਵੱਤਾ ਸੰਬੰਧੀ ਚਿੰਤਾਵਾਂ, ਕਵਰੇਜ ਸੰਬੰਧੀ ਫੈਸਲਿਆਂ, ਅਤੇ ਉਹਨਾਂ ਦੀ ਦੇਖਭਾਲ ਅਤੇ ਡਿਸਚਾਰਜ ਬਾਰੇ ਚਿੰਤਾਵਾਂ ਦੀ ਸਮੀਖਿਆ ਕਰਨੀ।
ਹੈਲਥ ਇੰਸ਼ੋਰੈਂਸ ਪੋਰਟੇਬਿਲਟੀ ਐਂਡ ਅਕਾਊਂਟੇਬਿਲਟੀ ਐਕਟ (HIPAA)/ਨਿੱਜਤਾ-ਸੰਬੰਧੀ ਮਾਮਲਿਆਂ ਬਾਰੇ ਸਿੱprivacy@uphs.upenn.edu 'ਤੇ ਜਾਂ ਫ਼ੋਨ ਰਾਹੀਂ 215-573-4492 'ਤੇ ਪੁੱਛੋ।
ਪਹੁੰਚਯੋਗਤਾ ਜਾਂ ਅਨੁਕੂਲਤਾਵਾਂ ਦੇ ਸੰਬੰਧ ਵਿੱਚ ਚਿੰਤਾਵਾਂ ਜਾਂ ਸਵਾਲ ਪੇਨਸਿਲਵੇਨੀਆ ਹੈਲਥ ਸਿਸਟਮ ਡਿਸਏਬਿਲਿਟੀ ਐਕਸੈਸ ਅਫਸਰ ਨੂੰ 215-615-4317 'ਤੇ ਪੁੱਛੋ।
ਦੇਖਭਾਲ ਦੇ ਸੰਬੰਧ ਵਿੱਚ ਸ਼ਿਕਾਇਤਾਂ, ਉਲਟਾ ਦੋਸ਼ ਲਗਾਏ ਜਾਣ ਦੇ ਡਰ ਬਿਨਾਂ, ਦੱਸਣੀਆਂ ਅਤੇ ਉਹਨਾਂ ਸ਼ਿਕਾਇਤਾਂ ਦੀ ਸਮੀਖਿਆ ਕੀਤੀ ਜਾਣੀ ਅਤੇ, ਜਦੋਂ ਸੰਭਵ ਹੋਵੇ, ਉਹਨਾਂ ਨੂੰ ਹੱਲ ਕੀਤਾ ਜਾਣਾ। ਆਪਣੀ ਦੇਖਭਾਲ ਸੰਬੰਧੀ ਸਵਾਲਾਂ ਜਾਂ ਸਮੱਸਿਆਵਾਂ ਵਾਲੇ ਮਰੀਜ਼ਾਂ ਨੂੰ ਕਲੀਨਿਕਲ ਸਾਈਟ ਨੂੰ ਛੱਡਣ ਤੋਂ ਪਹਿਲਾਂ ਆਪਣੇ ਡਾਕਟਰ, ਨਰਸ, ਜਾਂ ਫੈਸਿਲਿਟੀ ਦੇ ਹੋਰ ਪ੍ਰਤੀਨਿਧੀ ਨਾਲ ਗੱਲ ਕਰਨੀ ਚਾਹੀਦੀ ਹੈ।

ਮਰੀਜ਼ ਦੇ ਅਧਿਕਾਰਾਂ ਅਤੇ ਜ਼ਿੰਮੇਵਾਰੀਆਂ ਦੇ ਖਰੜੇ ਜਾਂ ਮਰੀਜ਼ ਦੀ ਸ਼ਿਕਾਇਤ ਜਾਂ ਉਲਾਂਭੇ ਬਾਰੇ ਸਵਾਲ ਲਈ ਹੇਠਾਂ ਦਿੱਤੇ ਨਾਲ ਸੰਪਰਕ ਕਰੋ:

Penn Digestive and Liver Health Center University City, Penn Presbyterian Medical Center
3737 Market Street, 11th Floor
Philadelphia, PA 19104
ਸ਼ਿਕਾਇਤਾਂ ਜਾਂ ਉਲਾਂਭਿਆਂ ਲਈ ਕਾਲ ਕਰੋ: 215-662-9100

Surgery Center at Penn Medicine University City, Penn Presbyterian Medical Center
3737 Market Street, 5th Floor
Philadelphia, PA 19104
ਸ਼ਿਕਾਇਤਾਂ ਜਾਂ ਉਲਾਂਭਿਆਂ ਲਈ ਕਾਲ ਕਰੋ: 215-662-9100

Penn Medicine Radnor Surgery Center, The Hospital of the University of Pennsylvania
145 King of Prussia Road
Suite G-104
Radnor PA 19087
ਸ਼ਿਕਾਇਤਾਂ ਜਾਂ ਉਲਾਂਭਿਆਂ ਲਈ ਕਾਲ ਕਰੋ: 215-662-2575

The Hospital of the University of Pennsylvania Reproductive Surgical Facility
3701 Market Street, 7th Floor
Philadelphia, PA 19104
ਸ਼ਿਕਾਇਤਾਂ ਜਾਂ ਉਲਾਂਭਿਆਂ ਲਈ ਕਾਲ ਕਰੋ: 215-662-2575

The Endoscopy Center of The Pennsylvania Hospital
230 West Washington Square
Philadelphia, PA 19106
ਸ਼ਿਕਾਇਤਾਂ ਜਾਂ ਉਲਾਂਭਿਆਂ ਲਈ ਕਾਲ ਕਰੋ: 215-829-3891

The Surgery Center of the Pennsylvania Hospital
1840 South Street
Philadelphia PA 19146
ਸ਼ਿਕਾਇਤਾਂ ਜਾਂ ਉਲਾਂਭਿਆਂ ਲਈ ਕਾਲ ਕਰੋ: 215-893-7021

Lancaster General Hospital Ambulatory Surgical Facility
2100 Harrisburg Pike, Suite 200
Lancaster, PA 17601
717-544-3115

ਹੱਲ ਨਾ ਕੀਤੀਆਂ ਸ਼ਿਕਾਇਤਾਂ ਜਾਂ ਉਲਾਂਭੇ

ਜੇ ਮਰੀਜ਼ ਜਾਂ ਉਸਦੇ ਪਰਿਵਾਰਕ ਮੈਂਬਰ ਸੋਚਦੇ ਹਨ ਕਿ ਕਿਸੇ ਸ਼ਿਕਾਇਤ ਜਾਂ ਉਲਾਂਭੇ ਨੂੰ ਫੈਸਿਲਿਟੀ ਦੀ ਰੈਜ਼ੋਲੂਸ਼ਨ ਪ੍ਰਕਿਰਿਆ ਦੁਆਰਾ ਹੱਲ ਨਹੀਂ ਕੀਤੀ ਗਿਆ ਹੈ, ਜਾਂ ਇਸ ਗੱਲ ਦੀ ਪਰਵਾਹ ਕੀਤੇ ਬਿਨਾਂ ਕਿ ਉਹਨਾਂ ਨੇ ਫੈਸਿਲਿਟੀ ਦੀ ਸ਼ਿਕਾਇਤ ਪ੍ਰਕਿਰਿਆ ਦੀ ਵਰਤੋਂ ਕੀਤੀ ਹੈ ਜਾਂ ਨਹੀਂ, ਵਿਅਕਤੀ ਨੂੰ ਆਪਣੀਆਂ ਚਿੰਤਾਵਾਂ ਬਾਰੇ ਹੇਠ ਲਿਖੇ ਸੰਗਠਨਾਂ ਨਾਲ ਸੰਪਰਕ ਕਰਨ ਦਾ ਅਧਿਕਾਰ ਹੈ:

Medicare ਅਤੇ Medicaid ਸੇਵਾਵਾਂ ਲਈ ਕੇਂਦਰ (CMS)
ਗੁਣਵੱਤਾ ਅਤੇ ਅਪੀਲਾਂ 866-815-5440
ਤੁਸੀਂ Medicare ਦਾ ਕੁਆਲਿਟੀ ਬਾਰੇ ਸ਼ਿਕਾਇਤ ਫਾਰਮ (Quality Complaint Form) ਭਰ ਕਰ ਸਕਦੇ ਹੋ ਜੋ ਇੱਥੇ ਮੌਜੂਦ ਹੈ:https://www.livantaqio.cms.gov/en

The Pennsylvania Department of Health Division of Acute and Ambulatory Care
Health & Welfare Building, Room 532
625 Forster Harrisburg, PA 17120-0701
ਸ਼ਿਕਾਇਤ ਹੌਟਲਾਈਨ: 1-800-254-5164 ਸ਼ਿਕਾਇਤ ਦਾ ਔਨਲਾਈਨ ਫਾਰਮ:https://apps.health.pa.gov/dohforms/FacilityComplaint.aspx

ਜੋਇੰਟ ਕਮਿਸ਼ਨ

ਜੋਇੰਟ ਕਮਿਸ਼ਨ ਕਿਸੇ ਮਾਨਤਾ ਪ੍ਰਾਪਤ ਜਾਂ ਪ੍ਰਮਾਣਿਤ ਸਿਹਤ-ਸੰਭਾਲ ਸੰਸਥਾ ਬਾਰੇ ਚਿੰਤਾ ਜਾਂ ਸ਼ਿਕਾਇਤ ਦੀ ਰਿਪੋਰਟ ਕਰਨ ਦੇ ਤਰੀਕੇ ਬਾਰੇ ਮਰੀਜ਼ ਜਾਣਕਾਰੀ ਲਾਈਨ ਮੁਹੱਈਆ ਕਰਦਾ ਹੈ ਜਿਸਦਾ ਨੰ1-800-994-6610 ਹੈ।

ਨਵੀਂ ਜਾਂ ਪਹਿਲਾਂ ਤੋਂ ਸਪੁਰਦ ਕੀਤੀ ਅੱਪਡੇਟ ਕੀਤੀ ਗਈ ਚਿੰਤਾ ਜਾਂ ਸ਼ਿਕਾਇਤ ਦਰਜ ਕਰਨ ਦਾ ਤਰਜੀਹੀ ਤਰੀਕਾ ਜੋਇੰਟ ਕਮਿਸ਼ਨ ਦੇ ਔਨਲਾਈਨ ਸਪੁਰਦਗੀ ਫਾਰਮ ਰਾਹੀਂ ਹੈ। ਤੁਹਾਨੂੰ ਵਿਸਤ੍ਰਿਤ ਹਦਾਇਤਾਂ ਦੇ ਨਾਲ ਔਨਲਾਈਨ ਸਪੁਰਦਗੀ ਫਾਰਮ ਜੋਇੰਟ ਕਮਿਸ਼ਨ ਦੀ ਵੈੱਬਸਾਈਟ jointcommission.org'ਤੇ ਮਿਲ ਸਕਦਾ ਹੈ। "Connect with Us" ਨਾਮਕ ਖੇਤਰ ਲੱਭੋ, "Report a Safety Concern" 'ਤੇ ਕਲਿੱਕ ਕਰੋ ਅਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।

ਤੁਸੀਂ ਯੂਐਸ ਮੇਲ ਰਾਹੀਂ ਵੀ ਜੋਇੰਟ ਕਮਿਸ਼ਨ ਨਾਲ ਸੰਪਰਕ ਕਰ ਸਕਦੇ ਹੋ:

Office of Quality and Patient Safety
The Joint Commission
One Renaissance Boulevard
Oakbrook Terrace, Illinois 60181

ਧਿਆਨ ਦਿਓ: ਫੈਕਸ ਜਾਂ ਈਮੇਲ ਸਪੁਰਦਗੀ ਦੁਆਰਾ ਸ਼ਿਕਾਇਤਾਂ ਜਾਂ ਚਿੰਤਾਵਾਂ ਜਮ੍ਹਾਂ ਕਰਨ ਦੀ ਕੋਈ ਸਹੂਲਤ ਨਹੀਂ ਹੈ।

ਵਿਤਕਰੇ ਜਾਂ ਕਿਸੇ ਨਾਗਰਿਕ ਅਧਿਕਾਰਾਂ ਨਾਲ ਸੰਬੰਧਿਤ ਚਿੰਤਾਵਾਂ ਲਈ:

ਯੂ.ਐਸ. ਡਿਪਾਰਟਮੈਂਟ ਆਫ਼ ਹੈਲਥ ਐਂਡ ਹਿਊਮਨ ਸਰਵਿਸਿਜ਼, ਆਫਿਸ ਫਾਰ ਸਿਵਿਲ ਰਾਈਟਸ,

ਔਨਲਾਈਨ ਸ਼ਿਕਾਇਤ ਸੰਬੰਧੀ ਸਰੋਤFiling a Complaint (ਸ਼ਿਕਾਇਤ ਦਾਇਰ ਕਰਨੀ) | HHS.gov 'ਤੇ ਉਪਲਬਧ ਹੈ
ਨਾਗਰਿਕ ਅਧਿਕਾਰਾਂ ਸੰਬੰਧੀ ਚਿੰਤਾਵਾਂ, ਸ਼ਿਕਾਇਤਾਂ, ਅਤੇ ਇਲਜ਼ਾਮ ਲਿਖਤੀ ਰੂਪ ਵਿੱਚ ਡਾਕ, ਫੈਕਸ, ਈ-ਮੇਲ, ਜਾOCR ਸ਼ਿਕਾਇਤ ਪੋਰਟਲਂ 'ਤੇ Complaint Portal Assistance (ਸ਼ਿਕਾਇਤ ਪੋਰਟਲ ਸਹਾਇਤਾ) ਰਾਹੀਂ ਦਰਜ ਕੀਤੇ ਜਾ ਸਕਦੇ ਹਨ।
ਜੇ ਤੁਹਾਡੇ ਕੋਈ ਸਵਾਲ ਹਨ ਜਾਂ ਤੁਹਾਨੂੰ ਨਾਗਰਿਕ ਅਧਿਕਾਰਾਂ, ਜ਼ਮੀਰ ਜਾਂ ਧਾਰਮਿਕ ਆਜ਼ਾਦੀ, ਜਾਂ ਸਿਹਤ ਜਾਣਕਾਰੀ ਨਿੱਜਤਾ ਸੰਬੰਧੀ ਸ਼ਿਕਾਇਤ ਦਾਇਰ ਕਰਨ ਵਿੱਚ ਮਦਦ ਚਾਹੀਦੀ ਹੈ, ਤਾਂ ਤੁਸੀਂ OCR ਨOCRMail@hhs.gov 'ਤੇ ਈਮੇਲ ਕਰ ਸਕਦੇ ਹੋ ਜਾਂ ਯੂ.ਐਸ. ਡਿਪਾਰਟਮੈਂਟ ਆਫ਼ ਹੈਲਥ ਐਂਡ ਹਿਊਮਨ ਸਰਵਿਸਿਜ਼, ਆਫਿਸ ਫਾਰ ਸਿਵਿਲ ਰਾਈਟਸ, ਆਫਿਸ ਫਾਰ ਸਿਵਿਲ ਰਾਈਟਸ ਨੂੰ ਟੋਲ-ਫ੍ਰੀ ਕਾਲ ਕਰੋ: 1-800-368-1019, TDD: 1-800-537-7697.
ਸ਼ਿਕਾਇਤਾਂ ਨੂੰ ਇਸ ਪਤੇ 'ਤੇ ਈਮੇਲ ਕਰੋ:OCRComplaint@hhs.gov

ਅਪਾਹਜਤਾ ਪਹੁੰਚਯੋਗਤਾ ਜਾਂ ਅਨੁਕੂਲਤਾਵਾਂ ਨਾਲ ਸੰਬੰਧਿਤ ਚਿੰਤਾਵਾਂ ਲਈ

The United States Department of Justice
950 Pennsylvania Avenue, NW
Civil Rights Division, Disability Rights Section–1425 NYAV Washington, D.C., 20530
ਟੈਲੀਫੋਨ:1-800-514-0301
ਫੈਕਸ: 202- 307- 1197
ਆਨਲਾਈਨ ਸ਼ਿਕਾਇਤ ਫਾਰਮ ਇਸ ਵੈੱਬਸਾਈਟ 'ਤੇ ਉਪਲਬਧ ਹਨ:www.ada.gov/complaint

ਮਰੀਜ਼ ਦੀਆਂ ਜ਼ਿੰਮੇਵਾਰੀਆਂ ਦਾ ਬਿਆਨ

ਸੁਰੱਖਿਅਤ, ਉੱਚ ਗੁਣਵੱਤਾ ਵਾਲੀ ਦੇਖਭਾਲ ਪ੍ਰਾਪਤ ਕਰਨ ਵਿੱਚ ਮਰੀਜ਼ਾਂ ਦੀ ਮਦਦ ਕਰਨ ਲਈ ਅਸੀਂ ਬੇਨਤੀ ਕਰਦੇ ਹਾਂ ਕਿ ਮਰੀਜ਼ ਅਤੇ ਉਹਨਾਂ ਦੇ ਮਨੋਨੀਤ ਕਾਨੂੰਨੀ ਤੌਰ 'ਤੇ ਅਧਿਕਾਰਤ ਪ੍ਰਤੀਨਿਧ ਯੂਨੀਵਰਸਿਟੀ ਆਫ਼ ਪੈਨਸਿਲਵੇਨੀਆ ਹੈਲਥ ਸਿਸਟਮ (UPHS) ਅਤੇ ਫੈਸਿਲਿਟੀ ਦੀਆਂ ਨੀਤੀਆਂ ਅਤੇ ਨਿਯਮਾਂ ਦੇ ਅਨੁਸਾਰ ਕੰਮ ਕਰਨ।

ਕਿਰਪਾ ਕਰਕੇ ਹੇਠਾਂ ਦਿੱਤੇ ਲਈ ਜ਼ਿੰਮੇਵਾਰੀ ਲਓ:

ਮੌਜੂਦਾ ਸ਼ਿਕਾਇਤਾਂ ਅਤੇ ਸਥਿਤੀਆਂ ਜਿਨ੍ਹਾਂ ਬਾਰੇ ਤੁਹਾਡੇ ਪ੍ਰਦਾਤਾ ਨੂੰ ਤੁਹਾਡੀ ਦੇਖਭਾਲ ਕਰਨ ਵੇਲੇ ਪਤਾ ਹੋਣਾ ਚਾਹੀਦਾ ਹੈ (ਜਿਵੇਂ ਕਿ ਐਲਰਜੀਆਂ), ਪਿਛਲੀਆਂ ਬਿਮਾਰੀਆਂ, ਹਸਪਤਾਲ ਵਿੱਚ ਦਾਖਲੇ, ਦਵਾਈਆਂ, ਅਗਾਊਂ ਨਿਰਦੇਸ਼, ਅਤੇ ਤੁਹਾਡੇ ਸਿਹਤ ਦੇ ਇਤਿਹਾਸ ਜਾਂ ਦੇਖਭਾਲ ਨਾਲ ਸੰਬੰਧਿਤ ਹੋਰ ਮਾਮਲਿਆਂ ਬਾਰੇ ਸਹੀ ਅਤੇ ਪੂਰੀ ਜਾਣਕਾਰੀ ਪ੍ਰਦਾਨ ਕਰਨਾ ਤਾਂ ਜੋ ਤੁਹਾਨੂੰ ਪ੍ਰਭਾਵਸ਼ਾਲੀ ਡਾਕਟਰੀ ਇਲਾਜ ਮਿਲ ਸਕੇ।
ਹਦਾਇਤਾਂ ਅਤੇ ਡਾਕਟਰੀ ਆਦੇਸ਼ਾਂ ਦੀ ਆਪਣੀ ਸਭ ਤੋਂ ਵਧੀਆ ਯੋਗਤਾ ਅਨੁਸਾਰ ਪਾਲਣਾ ਕਰਨੀ, ਫੈਸਿਲਿਟੀ ਦੇ ਸਟਾਫ਼ ਨਾਲ ਸਹਿਯੋਗ ਕਰਨਾ, ਅਤੇ ਜੇ ਦਿਸ਼ਾ-ਨਿਰਦੇਸ਼ ਅਤੇ/ਜਾਂ ਪ੍ਰਕਿਰਿਆਵਾਂ ਸਪਸ਼ਟ ਨਹੀਂ ਹਨ ਤਾਂ ਸਵਾਲ ਪੁੱਛਣੇ।
ਦੱਸਣਾ ਕਿ ਕੀ ਤੁਸੀਂ ਯੋਜਨਾਬੱਧ ਕਾਰਵਾਈ ਅਤੇ ਸਵੈ-ਦੇਖਭਾਲ ਦੀਆਂ ਉਮੀਦਾਂ ਨੂੰ ਸਮਝਦੇ ਹੋ।
ਜੇ ਤੁਸੀਂ ਆਪਣੇ ਸਿਹਤ ਦੇਖਭਾਲ ਕਰਨ ਵਾਲਿਆਂ ਨਾਲ ਸਹੀ ਢੰਗ ਨਾਲ ਸੰਚਾਰ ਨਹੀਂ ਕਰ ਸਕਦੇ ਹੋ ਤਾਂ ਸੰਭਵ ਹੱਦ ਤੱਕ, ਤੁਹਾਡੇ ਪਰਿਵਾਰ ਦੇ ਮੈਂਬਰ ਜਾਂ ਮਨੋਨੀਤ ਦੇਖਭਾਲ ਕਰਨ ਵਾਲੇ/ਕਾਨੂੰਨੀ ਤੌਰ 'ਤੇ ਅਧਿਕਾਰਤ ਪ੍ਰਤਿਨਿਧ ਤੁਹਾਡੇ ਇਲਾਜ ਦੀ ਸਮੀਖਿਆ ਲਈ UPHS ਕਰਮਚਾਰੀਆਂ ਲਈ ਉਪਲਬਧ ਹੋਣੇ ਚਾਹੀਦੇ ਹਨ।
ਉਸੇ ਦਿਨ ਦੀਆਂ ਪ੍ਰਕਿਰਿਆਵਾਂ ਲਈ ਤੁਹਾਨੂੰ ਘਰ ਲਿਜਾਣ ਲਈ ਕਿਸੇ ਜ਼ਿੰਮੇਵਾਰ ਵਿਅਕਤੀ ਦਾ ਪ੍ਰਬੰਧ ਕਰਨਾ ਤਾਂ ਜੋ ਤੁਹਾਡੀ ਸੁਰੱਖਿਆ ਨੂੰ ਯਕੀਨੀ ਬਣਾਇਆ ਜਾ ਸਕੇ।
ਜੇ ਤੁਸੀਂ ਦੇਖਭਾਲ ਤੋਂ ਇਨਕਾਰ ਕਰਦੇ ਹੋ ਜਾਂ ਦੇਖਭਾਲ ਦੀਆਂ ਹਦਾਇਤਾਂ ਦੀ ਪਾਲਣਾ ਨਹੀਂ ਕਰਦੇ ਹੋ ਤਾਂ ਆਪਣੀਆਂ ਕਾਰਵਾਈਆਂ ਲਈ ਜ਼ਿੰਮੇਵਾਰ ਹੋਣਾ।
ਦੂਜੇ ਮਰੀਜ਼ਾਂ ਅਤੇ ਸਿਹਤ ਸੰਭਾਲ ਸਟਾਫ਼ ਬਾਰੇ ਵਿਚਾਰਸ਼ੀਲ ਬਣਨਾ ਤਾਂ ਜੋ ਫੈਸਿਲਿਟੀ ਵਿੱਚ ਸ਼ੋਰ, ਮੁਲਾਕਾਤੀਆਂ ਅਤੇ ਭੀੜ ਦੇ ਨਿਯੰਤ੍ਰਣ ਵਿੱਚ ਸਹਾਇਤਾ ਕੀਤੀ ਜਾ ਸਕੇ।
ਦੂਜੇ ਵਿਅਕਤੀਆਂ ਦੀ ਸੰਪਤੀ ਅਤੇ ਯੂਨੀਵਰਸਿਟੀ ਆਫ਼ ਪੈਨਸਿਲਵੇਨੀਆ ਹੈਲਥ ਸਿਸਟਮ (UPHS) ਦੀ ਸੰਪਤੀ ਦਾ ਸਤਿਕਾਰ ਕਰਨਾ। ਧਮਕੀਆਂ, ਹਿੰਸਾ, ਮਰੀਜ਼ਾਂ ਦੀ ਦੇਖਭਾਲ ਵਿੱਚ ਵਿਘਨ ਜਾਂ ਦੂਜੇ ਮਰੀਜ਼ਾਂ, ਮੁਲਾਕਾਤੀਆਂ, ਜਾਂ ਸਟਾਫ਼ ਨੂੰ ਪਰੇਸ਼ਾਨ ਨਹੀਂ ਕੀਤਾ ਜਾਵੇਗਾ।
UPHS ਸੰਪਤੀ 'ਤੇ ਕਿਸੇ ਵੀ ਗੈਰ-ਕਾਨੂੰਨੀ ਗਤੀਵਿਧੀ ਤੋਂ ਪਰਹੇਜ਼ ਕਰਨਾ। ਜੇ ਅਜਿਹੀ ਕਾਰਵਾਈ ਹੁੰਦੀ ਹੈ, ਤਾਂ UPHS ਕਾਨੂੰਨ ਲਾਗੂਕਰਨ ਨੂੰ ਇਸਦੀ ਰਿਪੋਰਟ ਕਰ ਸਕਦਾ ਹੈ।
ਕੋਈ ਵੀ ਅਜਿਹੀਆਂ ਦਵਾਈਆਂ ਜਾਂ ਡਰੱਗਜ਼ ਨਾ ਲੈਣਾ ਜੋ ਤੁਹਾਡੇ ਪ੍ਰਦਾਤਾ ਦੁਆਰਾ ਤਜਵੀਜ਼ ਨਹੀਂ ਕੀਤੀਆਂ ਗਈਆਂ ਹਨ ਅਤੇ ਉਚਿਤ ਸਟਾਫ਼ ਦੁਆਰਾ ਨਹੀਂ ਦਿੱਤੀਆਂ ਗਈਆਂ ਹਨ; ਇਹ ਕਾਰਵਾਈਆਂ ਤੁਹਾਨੂੰ ਤੁਹਾਡੀ ਇਲਾਜ ਪ੍ਰਕਿਰਿਆ ਨੂੰ ਗੁੰਝਲਦਾਰ ਬਣਾਉਂਦੀਆਂ ਹਨ ਜਾਂ ਖ਼ਤਰੇ ਵਿੱਚ ਪਾਉਂਦੀਆਂ ਹਨ।
ਫੈਸਿਲਿਟੀ ਵਿੱਚ ਤੁਹਾਡੇ ਦੌਰੇ ਦੌਰਾਨ ਅਲਕੋਹਲ ਵਾਲੇ ਪਦਾਰਥਾਂ ਜਾਂ ਜ਼ਹਿਰੀਲੇ ਪਦਾਰਥਾਂ ਦਾ ਸੇਵਨ ਨਾ ਕਰਨਾ।
ਬੰਦੂਕ ਅਤੇ/ਜਾਂ ਹਥਿਆਰਾਂ ਨੂੰ ਫੈਸਿਲਿਟੀ ਵਿੱਚ ਨਾ ਲਿਆਉਣਾ।
ਬਿਨਾਂ ਇਜਾਜ਼ਤ ਕਿਸੇ ਦੀ ਫੋਟੋ ਨਾ ਖਿੱਚਣੀ ਅਤੇ/ਜਾਂ ਰਿਕਾਰਡਿੰਗ ਨਾ ਕਰਨੀ।
ਦੂਜਿਆਂ ਦੀ ਨਸਲ, ਲਹਿਜ਼ੇ, ਧਰਮ, ਲਿੰਗ, ਲਿੰਗੀ ਪਛਾਣ, ਜਿਨਸੀ ਰੁਝਾਨ, ਜਾਂ ਹੋਰ ਨਿੱਜੀ ਗੁਣਾਂ ਬਾਰੇ ਅਪਮਾਨਜਨਕ, ਅਨਾਦਰ ਭਰੀਆਂ ਜਾਂ ਪੱਖਪਾਤੀ ਟਿੱਪਣੀਆਂ ਨਾ ਕਰਨਾ।
ਫੈਸਿਲਿਟੀ ਵਿੱਚ ਆਪਣੇ ਨਾਲ ਕੋਈ ਕੀਮਤੀ ਸਮਾਨ ਨਾ ਲਿਆਉਣਾ। ਜੇ ਤੁਹਾਨੂੰ ਕੀਮਤੀ ਚੀਜ਼ਾਂ ਲਿਆਉਣੀਆਂ ਹੀ ਪੈਂਦੀਆਂ ਹਨ, ਤਾਂ ਕਿਰਪਾ ਕਰਕੇ ਉਹਨਾਂ ਨੂੰ ਸੁਰੱਖਿਅਤ ਰੱਖਣ ਲਈ ਆਪਣੇ ਪਰਿਵਾਰ/ਦੇਖਭਾਲ ਕਰਨ ਵਾਲੇ/ਐਸਕੌਰਟ ਨੂੰ ਦੇ ਦਿਓ।
ਫੈਸਿਲਿਟੀ ਦੀ ਸਿਗਰਟਨੋਸ਼ੀ ਨਾ ਕਰਨ ਦੀ ਨੀਤੀ ਦਾ ਪਾਲਣ ਕਰਨਾ।
ਪੈੱਨ ਮੈਡੀਸਨ ਦੀ ਮਰੀਜ਼, ਮੁਲਾਕਾਤੀ, ਅਤੇ ਸਟਾਫ਼ ਲਈ ਵਿਹਾਰ ਦੇ ਜ਼ਾਬਤੇ ਦਾ ਪਾਲਣ ਕਰਨਾ।
ਤੀਜੀ ਧਿਰ ਭੁਗਤਾਨ ਕਰਨ ਵਾਲਿਆਂ (ਤੁਹਾਡੀ ਬੀਮਾ ਕੰਪਨੀ) ਦੇ ਮਾਧਿਅਮ ਨਾਲ ਸਾਰੀਆਂ ਸੇਵਾਵਾਂ ਲਈ ਭੁਗਤਾਨ ਕਰਨ ਦੀ ਵਿੱਤੀ ਜ਼ਿੰਮੇਵਾਰੀ ਸਵੀਕਾਰ ਕਰਨੀ ਜਾਂ ਤੁਹਾਡੀ ਬੀਮਾ ਨੀਤੀਆਂ ਦੇ ਅਧੀਨ ਨਾ ਆਉਣ ਵਾਲੀਆਂ ਕਿਸੇ ਵੀ ਸੇਵਾਵਾਂ ਲਈ ਭੁਗਤਾਨ ਲਈ ਨਿੱਜੀ ਤੌਰ 'ਤੇ ਜ਼ਿੰਮੇਵਾਰ ਹੋਣਾ।

ਸਾਡੀ ਪੂਰੀ ਪੈੱਨ ਮੈਡੀਸਨ ਟੀਮ ਦੇਖਭਾਲ ਪ੍ਰਾਪਤ ਕਰਨ ਦੀ ਚੋਣ ਕਰਨ ਲਈ ਤੁਹਾਡਾ ਧੰਨਵਾਦ ਕਰਦੀ ਹੈ। ਤੁਹਾਨੂੰ ਸੇਵਾ ਦੇਣਾ ਅਤੇ ਤੁਹਾਡੀ ਦੇਖਭਾਲ ਕਰਨਾ ਸਾਡੇ ਲਈ ਖੁਸ਼ੀ ਦੀ ਗੱਲ ਹੈ।

ਲੀਡਰਸ਼ਿਪ ਟੀਮ

Penn Digestive and Liver Health Center University City, Penn Presbyterian Medical Center ਦੀ ਫੈਸਿਲਿਟੀ
Surgery Center at Penn Medicine University City, Penn Presbyterian Medical Center ਦੀ ਫੈਸਿਲਿਟੀ
Penn Medicine Radnor Surgery Center, the Hospital of the University of Pennsylvania ਦੀ ਫੈਸਿਲਿਟੀ
Penn Medicine Radnor Surgery Center, the Hospital of the University of Pennsylvania ਦੀ ਫੈਸਿਲਿਟੀ
The Hospital of the University of Pennsylvania Reproductive Surgical Facility
The Endoscopy Center of The Pennsylvania Hospital
The Surgery Center of the Pennsylvania Hospital
Lancaster General Hospital Ambulatory Surgical Facility
Physicians' Surgery Center Lancaster General Health
Lancaster General Hospital, The

¹ Penn Medicine ਵਿੱਚ University of Pennsylvania ਵਿਖੇ Perelman School of Medicine ਅਤੇ University of Pennsylvania Health System ਅਤੇ ਇਸਦੀਆਂ ਸਹਾਇਕ ਅਤੇ ਸਹਿਯੋਗੀ ਇਕਾਈਆਂ ਸ਼ਾਮਲ ਹਨ, ਜਿਨ੍ਹਾਂ ਵਿੱਚ ਇਹ ਸ਼ਾਮਲ ਹਨ ਪਰ ਇਹਨਾਂ ਤਕ ਹੀ ਸੀਮਤ ਨਹੀਂ ਹਨ: Hospital of the University of Pennsylvania, Pennsylvania Hospital, Penn Presbyterian Medical Center, Chester County Hospital, Lancaster General Health, Lancaster General Hospital, Lancaster General Medical Group, The Heart Group of Lancaster General Health, Lancaster General Health–Columbia Center, Penn Medicine Home Health Lancaster General Health, Penn Medicine Princeton Health, Penn Medicine Princeton Health Behavioral Health, Penn Medicine Princeton Medicine Physicians, Penn Medicine Home Health Princeton Health, Penn Medicine Hospice Princeton Health, ਸਾਰੀਆਂ ਵੱਖਰੀਆਂ ਲਾਇਸੰਸਸ਼ੁਦਾ ਐਂਬੂਲੇਟਰੀ ਸਰਜੀਕਲ ਸਹੂਲਤਾਂ ਜਾਂ ਐਂਬੂਲੇਟਰੀ ਦੇਖਭਾਲ ਦੀਆਂ ਸਹੂਲਤਾਂ ਜਿਨ੍ਹਾਂ ਵਿੱਚ ਸ਼ਾਮਲ ਹਨ: Penn Medicine Radnor Surgery Facility, ਦੀ ਇੱਕ ਸਹੂਲਤ Hospital of the University of Pennsylvania, Hospital of the University of Pennsylvania Reproductive Surgical Facility, The Surgery Center of Pennsylvania Hospital, Endoscopy Center of Pennsylvania Hospital, The Surgery Center at Penn Medicine University City, ਦੀ ਇੱਕ ਸਹੂਲਤ Penn Presbyterian Medical Center, Penn Digestive and Liver Health Center University City, ਦੀ ਇੱਕ ਸਹੂਲਤ Penn Presbyterian Medical Center, Penn Presbyterian Infusion Services, ਦੀ ਇੱਕ ਸਹੂਲਤ Penn Presbyterian Medical Center, Penn Radiology Cherry Hill, Physician's Surgery Center Lancaster General, LLC, The Lancaster General Hospital Ambulatory Surgical Facility, Princeton Endoscopy Center LLC, ਅਤੇ Clinical Practices of the University of Pennsylvania, Clinical Care Associates, Penn Medicine Medical Group, Good Shepherd Penn Partners, Clinical Health Care Associates of New Jersey, Ambulatory Surgery Center Monroe.

Read the Ambulatory Surgical Facility Patient Bill of Rights in English.